Посна пашазе- влаклан медосмотрым тӱҥалме

Марий Элыште ончылгоч да икмыняр жап гыч ыштыме медосмотр- влакым уэш тӱналме. Теҥгечысе кече гыч тыгай тергымаш икымше номеран поликлиникыште эртаралтеш. Тудым чыла кумылан- влак огыл, а посна категорий пашаеҥ- влак гына эртен кертыт. Тиде радамыш йӱмӧ вӱдым да кочкыш сатум ыштен лукмо, аралыме, шупшыктымо да ужалыме дене кылдалтше пашаште тыршыше- влак да йочам шуарыме да туныктымо дене кылдалтше пашаште тыршыше- влак пурат. Тергымашке тыгак  коммунал да быт обслуживаний сферыште пашам ыштыше- влак, кӱкшытыштӧ пашам ыштыше-шамыч миен кертыт. Медосмотрыш мийыме годым маскым але респираторым чийыман, дистанцийым эскерыман. Чыла йодышым 21-58-54 номеран телефон дене рашемдаш лиеш.

Прошлые выпуски