Профушем- влак вӱрым пуымо акцийыш ушненыт
Донор вӱрым пуымо акцийыш республикысе профсоюз- влакат ушненыт. Кызыт элна мучко пеҥгыде режим улмылан кӧра, еҥ- влак мӧҥгыштышт улыт. Сандене вӱрым пуымо да налме станцийлаште вӱрын ситыдымыже палдырна. Тазалыкаралтышым вияҥдыме калыкле фондын аклымыж почеш, донор- влак кокла шот дене 50 процентлан шагалрак кошташ тӱҥалыныт. Но пандемий жапыштат операций- влакым ыштат, южгунам шуко вӱр кӱлеш лиеш. Республикысе профушемысе Самырык- влакын Советыштын еҥже- влак поро паша радамым шуен, Йошкар-Оласе вӱрым налме да пуымо станцийыш миеныт да вӱрыштым пуэныт. Профушемын доноржо- влак кече коден тушко уэш да уэш мияш лийыныт. Отраслевой профушем- влакын моло еҥыштымат ушнаш ӱжыныт.
