Июнь кыдал марте колым кучаш ок лий
Республикысе пӱртӱс поянлык, экологий да йырым- йырысе средам аралыше министерстве увертара: кундемна мучко 25-ше апрель гыч 5-ше июнь марте Куйбышев вӱдаралтышыште да тушко йоген пурышо эҥерлаште, тыгак 10-шо апрель гыч 10-шо июнь марте Чебоксар вӱдаралтышыште да моло вереат колым кучаш чарыме. Тиде жапыште кеч- могай ӱзгар денат нимогай вӱд поянлыкымат кучаш ок лий. Лач эҥырвоштыр дене гына пайдаланаш лиеш. Мӧртньым кышкыдыме верлаште сер гыч ик эҥырвоштыр дене кучаш лиеш. Эҥырже кокыт деч шуко лийшаш огыл. Марий Элыште мӧртньым кышкыме вер- влакым палемдыме. Тушто сер гычат, изи судно гычат кучаш ок лий. Правил почеш ик еҥ ик суткаште вич кило деч шукырак кучышаш огытыл.
