Президент Российым вияҥдыме калыкле цель- влакым рашемден
Президент Владимир Путинын Российым вияҥдыме калыкле цель- влак нерген кумданрак.Теҥгече Владимир Путин 2030-шо ий марте Россий Федерацийым вияҥдыме калыкле цель- влак нерген Указым пеҥгыдемден. Документ дене келшышын, калыкле цельлан калыкым, тазалыкым, улан илышым арален кодымаш, талантым вияҥдаш да илышыште кучылташ йӧным ыштымаш шотлалтыт. Тыгак тиде радамыште илаш йӧнан да лӱдыкшыдымӧ йӧным ыштымаш, достойный да пайдале паша, лектышан амалкалче паша, цифран трансформаций улыт. Нунылан кӧра лу ий гыч Российыште илышын кужытшо 78 ийыш шуаш. Кум ий ончычсо дене таҥастарымаште незерлыкын показтельже кок пачаш иземшаш. Тиддеч посна физкультура да спорт дене кылым кучышо- влакын чотышт 70 процентыш шушаш. 2030-шо ий марте Россий Федераций тӱшка шинчымашым пуымо качестве дене тӱнямбалсе 10 ончыл эл радамыш пурышаш.
