Чыла теплосеть- шинча ончылно

Марий Эл ден Чувашийын «Т Плюс» филиалже Йошкар-Оласе, Чебоксарысе да Новочебоксарысе теплосетьлаште технологий да коммерций учётын системыжым вераҥдаш 126 миллион теҥгем ойыра. Компаний олалаште теплосеть озанлыкын тӱҥ верлаштыже: тепловой камерылаште, насос станцийлаште да павильонлаште 104 узелым вераҥда. Прибор- влак автомат режим дене оборудованийын кузе пашам ыштымыже нерген кӱлеш уверым поген, теплосетьын диспетчер службышкыжо колтат. Тидыже пашаште лийше вашталтышым вашкерак пален налаш, шокшым, вӱдым мыняр колтымым терген шогаш, экшыкым вигак пален налаш да тӧрлаш йӧным пуа. Кызыт узел- влакым вераҥдыме шотышто паша филиалын кум олаштыжат шукталтеш. Оборудованийым сентябрьыште пашаш колтышаш улыт.

Прошлые выпуски