РЖД комапний Марий Элын бюджетышкыже 20 миллион теҥге оксам кусарен
Российысе кӱртньӧ корно компаний Марий Элын бюджетышкыже 20 миллион теҥге оксам кусарен. РЖД холдингын Горький кӱртньӧ корно кундемыш пурышо предприятийже- влак тенийсе икымше пелийлан республикыш 20 миллион теҥгем колтеныт. Российысе кундемлан бюджетышкышт тичмаш колтымо налог оксан кугытшо январь-июньышто 6 миллиардат 500 миллион теҥгеш шуын. Мутлан, Угарман кундемыште налог окса ныл миллиардат 400 миллионыш шуын, Татарстаныште 610 миллион утла, Киров областьыште 448 миллион наре, а Марий Элыште 20 миллион теҥге. Горький кӱртньӧ корно налогым тӱлышӧ кугу предприятийлан шотлалтеш да регионласе, верласе бюджетлашке налогым тичмаш тӱла.
