Артём Коровин адак сеҥыше- влак радамыш пурен
Байдарка да каноэ ден куымо Российын Чемпионатыштыже Артём Коровин кум гана пьедесталыш кӱзен. Чемпионат Москошто эртен. Тушко элысе 30 регион гыч 300 наре спортсмен толын. Команде да мужыр дене таҥасымаште Марий Эл гыч спортсмен сай лектышым ончыктен- Артём Коровин сеҥыше- влакын тошкалтышышкышт кум гана нӧлталалтын. Вичшӱдӧ метрыш ныл еҥан байдарка дене пӧръеҥ- влакын куымаште кокымшо, тӱжем метрыш кок еҥан байдарке дене пӧръеҥ- влакын иймаште тыгак кокымшо, 500 метрыш кок енан байдарке дене пӧръеҥ да ӱдырамашын куымаште кумшо верыш лектын.
Фото: Республикын спорт-туризм министерствыже, спорт ямдылалтмаш рӱдер.
Фото: Республикын спорт-туризм министерствыже, спорт ямдылалтмаш рӱдер.
