«Авангард» рӱдерыште школышто тунемше- влаклан сбор тӱҥалын
«Авангард» рӱдерыште школышто тунемше- влаклан сбор тӱҥалын. Тунемме рӱдерыште кугурак класслаште тунемше- влаклан вич кечаш сбор- влакын у циклыштым тӱҥалме. Тиде гана тушко Йошкар-Оласе лу школышто тунемше- влак миеныт. Вич кече жапыште курсант- влак тӱналтыш военный ямдылалтмаш программым тунемыт. Расписанийыште Уставым шымлымаш, тактике, лӱйкалыме да строевой ямдылалтмаш, радиаций, химий, биологий аралалтмаш дене занятий, военный медицине, беспилотникым виктарымаш да физически ямдылалтмаш улыт. Икымше кечын инстуктор- влак палдарыме занятий- влакым эртареныт.
Фото vk.com/avangardmariel
