Изи Какшан эҥерым лӱдышӧ деч посна шошо вӱдшорым эртарен колташ ямдылат
Изи Какшан эҥерым лӱдышӧ деч посна шошо вӱдшорым эртарен колташ ямдылат. Республикыштына кугу вӱдын лӱдыкшыжым шагалемдаш манын аралыме мероприятий- влакым умбакыже шыҥдарат. Кугу тӱткыш Ширяйково микрорайонлан ойыралтеш. Тиде кундемым эҥерын шуко вӱдым колтен кертдымыжлан кӧра идалык еда вӱд налеш Специалист- влакын шотлымышт почеш вӱд налме амалже- вӱд корнын чот кадыргыл кайымыже, тушко сӱмырлышӧ пушенге ден куштыран погынымжо улыт.
40 илыме пӧртым, Лёня Голиков лӱмеш школым, «Рябинушка» йоча садым да моло социал объектлам аралаш манын 2022-шо ийыште оласе плотина деч федерал трассын кӱварже марте ужашыште вӱд корным тураҥдыме проектым ыштыме. Тиде эрыктыме кужыт шым меҥге ула погына. Пашам шуко функциян замснаряд шукта, а чараклыше куштырам ийше экскаватор полшымо дене эрыктат.
Проектын тӱҥ ужашыжлан кок искусственный каналым ыштымаш шотлалтеш. Ик тыгай вияшемдыше каналым Киса алан кундемыште ыштыме. Правительствыште рашемдыме почеш, лишыл жапыште шошо вӱд у канал денат, тошто корно денат кая. Вӱдшор деч вара вӱдын тошто корныжым кӱнчен лукмо рок дене петырат. Тидыже вӱд уэш тошто корнышкыжо ынже пӧртыл манын ышталтеш. Чыла паша проект документаций дене келшышын ышталтеш. Кодшо участкышке материалым кондымеке, чоҥышо-влак каналым ыштен пытарат да тарватыме кундемым тӧрлен кодат,- рашемда пӱртӱс поянлык министерстве.
Фото: Пӱртӱс поянлык министерстве.
40 илыме пӧртым, Лёня Голиков лӱмеш школым, «Рябинушка» йоча садым да моло социал объектлам аралаш манын 2022-шо ийыште оласе плотина деч федерал трассын кӱварже марте ужашыште вӱд корным тураҥдыме проектым ыштыме. Тиде эрыктыме кужыт шым меҥге ула погына. Пашам шуко функциян замснаряд шукта, а чараклыше куштырам ийше экскаватор полшымо дене эрыктат.
Проектын тӱҥ ужашыжлан кок искусственный каналым ыштымаш шотлалтеш. Ик тыгай вияшемдыше каналым Киса алан кундемыште ыштыме. Правительствыште рашемдыме почеш, лишыл жапыште шошо вӱд у канал денат, тошто корно денат кая. Вӱдшор деч вара вӱдын тошто корныжым кӱнчен лукмо рок дене петырат. Тидыже вӱд уэш тошто корнышкыжо ынже пӧртыл манын ышталтеш. Чыла паша проект документаций дене келшышын ышталтеш. Кодшо участкышке материалым кондымеке, чоҥышо-влак каналым ыштен пытарат да тарватыме кундемым тӧрлен кодат,- рашемда пӱртӱс поянлык министерстве.
Фото: Пӱртӱс поянлык министерстве.
