Автокросс дене Чемпионатыште Марий Элын таҥасышыже- влак икымше ден кокымшо верым сеҥен налыныт
Автокросс дене Чемпионатыште Марий Элын таҥасышыже –влак икымше ден кокымшо верым сеҥен налыныт. Эртыше рушарнян «Крутой овраг» трассыште ГАИ-ГИБДД-н кубокшо верч автокросс дене Марий Элын Чемпионат ден Первенствыжын кокымшо йыжыҥже эртен. Тудо элыштына кугыжаныш автоинспекцийым ыштымылан 86 ий теммылан пӧлеклалтын. Таҥасымашке Российысе вич кундем гыч ятыр лу дене автоспортсмен ушнен. Нунын коклаште Курск область гыч УМВД-н командыже икымше гана толын. Погынышо- влакым Марий Элысе эл кӧрго паша министрын пашажым шуктышо Алексей Коновалов саламлен да сеҥымашым тыланен.
У еҥ- влак- Курск областьын командыже- кумшо верыш лектын. Икымше ден кокымшо вер Марий Элын автогонщикше- влаклан логалын. Кокымшо верым Кирилл Крекотнев, Никита Ставер, Павел Жуковын командышт сеҥен алын. А икымше верыш Антон Михайлов, Иван Гордеев да Роман Абрамовын командышт лектын. Ончышо- влакын кумылыштым саварымылан приз дене Николай Татанкин палемдалтын. Тудо тыгак Кугыжаныш атвоинспекцийын ветеранже- влак деч ГИБДД-н ветеранже Василий Сандульскийым шарныме лӱмеш кубокым налын.
Фото: «Марийская правда».
У еҥ- влак- Курск областьын командыже- кумшо верыш лектын. Икымше ден кокымшо вер Марий Элын автогонщикше- влаклан логалын. Кокымшо верым Кирилл Крекотнев, Никита Ставер, Павел Жуковын командышт сеҥен алын. А икымше верыш Антон Михайлов, Иван Гордеев да Роман Абрамовын командышт лектын. Ончышо- влакын кумылыштым саварымылан приз дене Николай Татанкин палемдалтын. Тудо тыгак Кугыжаныш атвоинспекцийын ветеранже- влак деч ГИБДД-н ветеранже Василий Сандульскийым шарныме лӱмеш кубокым налын.
Фото: «Марийская правда».
