Тазалыкаралтыш министр Михаил Мурашко паша визит дене Йошкар-Олашке толын
Таче Российын тазалыкаралтыш министрже Михаил Мурашко паша визит дене Йошкар-Олашке толын. Визит кышкарыште тудо у Перинатал рӱдерыш миен. Марий Элым вуйлатышын сомылжым шуктышо Юрий Зайцев дене пырля рӱдерын кум пачашыжым ончен лектыныт. Тиде регионлан пеш кӱлешан объект. Палемдыман, у тӧнежыште 500 утла аза ош тӱням ужын. Тидымат ешарен: тиде тӱҥ тӧнеж. Тудо эн неле пациент ден ньогаланат полша, план почеш консультацийымат эртара, экстренный диагностикымат ышта. Адакшым тудым ава ден азалан полышым пуымо федерал системе дене ушымо. Тидлан кӧра эмлымаш эше пайдалырак лиеш.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
