Азам шолыштшо ӱдырамашым судитлыме
Йошкар-Олаште шочшо азам шолыштшо ӱдырамашым судитлыме. Следствий виктемын погымо доказательствыже 34 ияш ӱдырамашлан приговорым лукташ ситыше лийын. Тудым осал пашам ыштымылан титаканлан шотлымо. Шарнеда: тений шошым мартыште тудо перинатал рӱдер гыч шочшо азам шолып наҥгаен ыле. Но следствий комитетын пашаеҥже- влакын чаткан пашам виктарымыштлан кӧра, икмыняр шагат коклаште йочам ӱдырамашын пачерыштыже мумо да ача-аважлан пӧртылтымӧ. Уголовный паша почеш 60 еҥым йодыштмо, судебно-медицинский да генетик экспертизым эртарыме. Уш-акыл шотышто начар улам манмыжлан, Москошто судебно-психиатрический экспертизым эртарыме. Приговор почеш ӱдырамашым куд ийлан тӱшка режиман исправительный колонийыш колташ лийме.
