Ик тонн утла тошто батарейым погымо
Йошкар-Олаште ик тонн утла тошто батарейым погымо. Тоштемше электрон да электрик оборудованийым погымо шотышто акций эртен. Яра утилизацийыш компьютер, электрон, электрик, оптик оборудованийым, компьютер да офис техникым, холодильник ден кондиционерым, электроӱзгарым, станокым, шанче да медицине техникым, телефоным налме. Акций жапыште 8 тонн электрооборудованийым да ик тонн батарейым погымо. Январьыште тыгай акцийым уэш эртараш палемдыме.
