Банк ден полиций Йошкар-Олаште илыше ӱдырамашын 9 миллион теҥгежым шолыштмо деч арален коденыт
Банк ден полиций Йошкар-Олаште илыше ӱдырамашын 9 миллион теҥгежым шолыштмо деч арален коденыт. Тиддеч ончыч ондалкалыше- влак ӱдырамашын кок миллионат 600 тӱжем теҥгежым солалтен шуктеныт. Тиде факт почеш уголовный пашам тарватыме. Рашемдыме 39 ияш ӱдырамаш сентябрьыште интернетыште пӧръеҥ дене палыме лийын. Тудо ӱдырамашлан оксажым пайдалын инвестироватлаш темлен. Тудын туныктымыжо почеш ӱдырамаш аралыме оксажым каласыме счётыш кусарен. Вара кредитым налын да тудымат кусарен. Ондалкалыше эше индеш миллион теҥгем пышташ йодмеке, ӱдырамаш банкыш каен. Клиенткын койышыжо кредит организацийын лӱдыкшыдымылык службыжын пашаеҥжылан ӧрыктарышын койын. Тудо ӱдырамашлан мошенник- влакын йыҥгыртымыштым рашемдымеке полицийым ӱжыктен. Нуныжо ӱдырамашым отделыш конден ондалыме схемым умылтареныт. Профилактике паша деч вара ӱдырамаш ондалалтмыжым умылен. Тыге ондалыше- влак ӱдырамашлан кок миллионат 600 тӱжем теҥге эҥгекым конденыт. Уголовный пашам почмо.
Фото: Марий Эл МВД-н пресс-службыжо.
Фото: Марий Эл МВД-н пресс-службыжо.
