Шкетан театр поро кумылым ончыктымо спектакльлан ямдылалтеш

Шкетан театр поро кумылым ончыктымо спектакльлан ямдылалтеш
            Шкетан лӱмеш марий калыкле драма театрын артистше- влак 6-шо декабрьыште 16 шагатлан поро кумылым ончыктымо спектакльлан ямдылалтыт. «Йыван Кырля. Путёвка в жизнь» спектакль икымше йӱкан кинон лекмыжлан 95 ий темме лӱмгечылан пӧлеклалтеш Спектакльыш ужалыме билет окса Шернурысо Оно-Морко Купсолаште «Кырланур- луй модмо вер» проектлан колталтеш. Ушештарена: артист да поэтын шочмо ялыштыже Йыван Кырлан пӧртшым чоҥаш тӱналме. Ты проект калык вий дене, калык окса дене, калык усталык дене илышыш шыҥдаралтеш. Йыван Кырла шке почеламутыштыжо шочмо суртшым «Шож мелна гай шочмо мӧҥгӧ» манын аклен. Тендамат, пагалыме ончышо- влак, Шернурысо шере вӱдым, шож мелнам тамлаш Шкетан лӱмеш театрыш вучат. Мемориал комплексым ыштымашке шке надырдам пышташ вашкыза.
             Фото: Шкетан театр.

Прошлые выпуски