Марий Эл гыч самырык боксёрым Российын бокс дене сборный радамышкыже пуртеныт

Марий Эл гыч самырык боксёрым Российын бокс дене сборный радамышкыже пуртеныт
             Марий Эл гыч самырык боксёрым Российын бокс дене сборный радамышкыже пуртеныт. Москошто СССР-ын сулло тренерже Грековым шарныме лӱмеш 12-13 ияш рвезе- влак коклаште Россий кӱкшытан турнир мучашлалтын. Тушто элысе 62 регион гыч 272 боксёр участвоватлен. Марий Элын сборный командыштыже кум еҥ лийын. Эн сай лектышым 66 килограмм марте нелытан- влак коклаште Артур Асатрян ончыктен. Тудо кум неле кучедалмаштыжат сеҥышыш лектын да икымше верым налын. Торжественно саламлымашым элнан лӱмлӧ еҥже- влак эртареныт: Российын Геройжо- влак Владимир Шаманов ден Анатолий Сафронов, Тӱнян чемпионжо –шамыч Андрей Курнявка ден Марк Петровский, Российын сулло тренерже Николай Павлов. Таҥасымашын лектышыже почеш Артурым Российын бокс дене сборныйжын тӱҥ составышкыже налме. Артур Оршанкысе физкультура да спорт рӱдерысе бокс школышто  шуаралтеш. Тудын тренерже- ачаже Самвел Асатрян.
          Фото:  Спорт министерстве.

Прошлые выпуски