Марий йылмызе Анна Саваткова нерген шарнымашым пеҥгыдемдат
Йошкар-Олаште марий йылмызе Анна Саваткова нерген шарнымашым пеҥгыдемдат. Йошкар-Ола депутат- влак погынымашын 18-ше сессийыштыже депутат- влак шанчыеҥлан мемориал оҥам вераҥдаш шонымашым сайлан шотленыт. Тудо оласе Зарубин уремысе 11-ше номеран пӧрт пырдыжеш вераҥдалтеш. Анна Саваткова ятыр ий МарНИИЯЛИ-ште пашам ыштен, курык марий йылмым шымлен. Тудын редакцийже почеш Курык марла- рушла мутер савыкталт лектын. Йылмызе 2001-ше ийын 2-шо августышто илыш дене чеверласен.
Фото: МарНИИЯЛИ.
Фото: МарНИИЯЛИ.
