Башкортостанын делегацийже Марий Элысе тунемме тӧнеж- влакым ончен лектеш
Таче кече гыч 30-шо сентябрь марте Башкортостанын делегацийже Марий Элысе тунемме тӧнеж- влакым ончен лектеш. Делегацийым республикысе туныктыш да шанче министрын алмаштышыже Альфия Галиева вуйлата. Тиде визит Башкортостан Республикысе туныктыш министерстве дене туныктымаште этнокультурный корно дене вашкыл шотышто ыштыме соглашенийым илышыш шыҥдарыме кышкарыште эрта. Уна- влак Советский посёлкысо кумшо номеран школыш, Ӱшнур калыкле школыш, Палантай лӱмеш тӱвыра да сымыктыш колледжын калыкле сымыктыш гимназийышкыже мият. Тыгак Марий туныктыш институтышто Башкортостанысе туныктымашым вияҥдыме институт ден Марий туныктыш институт колаште ешартыш профессионал шинчымашым пуымо пашам вияҥдыме шотышто вашкыл нерген соглашенийым пеҥгыдемдат. Эрла Марий университетыште Марий Эл Правительство председательын икымше алмаштышыже Михаил Васютин Башкортостан делегаций, Марий туныктыш министерстве, организаций, тӧнеж да мер ушем- влак дене йыргешке ӱстел йыр мутланымашым эртара.
