Поезд- влак коштмым чарнат
Октябрьын пелыже гыч шошо марте Йошкар-Ола гыч пригородный поезд- влак коштмым чарнат. Теле жапыш куснымо дене «Содружество» пригородный пассажир компанийын пригородный поездше- влакын коштмо графикышт вашталтеш. Тиде жаплан пассажир- влак пеш шагал коштыт. Сандене расписаний гыч пригородный лу поезд кораҥдалтеш. Нунын радамышке 15-ше октябрь гыч кугарнян, шуматкечын да рушарнян Озаҥ гыч Йошкар-Олаш, Йошкар-Ола гыч Яранскыш коштшо, 16-шо октябрь гыч Яранск гыч Йошкар-Олаш, Йошкар-Ола гыч Озаҥыш коштшо поезд- влакат пурат.
