Элым аралыше- влак лӱмеш шарнымаш пырдыжым чоҥат
Оршанке районышто верысе калык Элым аралыше- влак лӱмеш шарнымаш пырдыжым чоҥа. Мемориал Тошто Крешын ялыште лиеш. Тиде вер ялысе калыкын каныме, Кугу Сарыште вуйыштым пыштыше земляк- влакым шарныме верыш савырнышаш. Шарнымаш пырдыж воктене тротуар плиткам оптат, теҥгыл- влакым вераҥдат, пеледыш ден пушеҥгым шындат. Шонымашым шукташ партийын ойырымо оксаже ситыже манын, верысе калык ешарен оксам поген.
