Радиосигналым Кече виянрак колта

                    Республикыштына сентябрь ден октябрьыште спутникын сигналжылан Кече чаракым ышташ тӱҥалеш. Тиде оҥай пӱртӱс явлений нерген калыкым республикысе радио-телевизионный передающий рӱдер шижтара. Республике ӱмбалсе каваште вашталтыш таче тӱҥалеш. Тиде жапыште Кечын радиотолкынжо- влак телевизионный сигналым кӱрлын кертыт. Цифран эфирный телевидений дене пайдаланыше шуко еҥ тидым шиждеат кодеш, лач сӱрет кӱчык жаплан чарнен шогалеш да йомын кертеш. Кечын чаракше суткаште эн шукыжо 25 минут марте эрдене да кечывалым 11 шагат 35 минут гыч 12 шагат 40 минут марте лийын кертеш. Тыгай шыжымсе интерференций але толкын ден толкынын ушнымышт, мемнан кундемыште 20-шо октябрь марте кучалтеш. Тыгай пӱртӱс ойыртем талукышто кок гана: шошым да шыжым лиеда. Тудо Мландын Кече йыр пӧрдмыжӧ да мланде осьын тайнымыже дене кылдалтын. Тиде жапыште Кече лач спутник шеҥгелне верлана. А Кече радио толкыным лукшо виян объектлан шотлалтеш. Сандене тудын сигналже спутникын сигналжым волгалтарен петыра. Сандене экранысе сӱретыште ситыдымаш лийын кертеш.

Прошлые выпуски