«Дубки» микрорайонышто чапле спортплощадкым ыштат
Йошкар-Оласе «Дубки» микрорайонышто кызытсе жаплан келшыше спортплощадке лиеш. Тудо Россий Армийын Тӱвыра полатше шеҥгелне верлана. Тиде верым «Йӧнан оалсе кумдыкым ыштымаш» федерал проект кышкарыште йӱклымӧ годым ойырен налме. Спорт дене кылым кучымо вер верысе калыкын йодмашыже дене пайдалана. Уэмдымашым 6-шо номеран школ ден Тыныслык уремысе 31-ше А да 25-ше А пӧрт- влак кокласе кумдык вуча. Тушто тротуар- влакым пужен ыштат, у асфальтым шарат, трибуным олмыктат, йоча площадкым ыштат, ӱстембал теннис, волейбол дене модаш да воркаутлан вер лийшаш. А телым катокым ыштат, кеҥежым баскетбол дене модыт. Тыгак кушкылым шындаш палемдыме.
