Самырык туныктышо- влакын «Таир- 2020» форумышт тений онлайн йӧн дене эрта

Самырык туныктышо- влак да нунын наставникыштын «Таир- 2020» регион- влак кокласе кӱкшытан 11-ше форумышт тений онлайн йӧн дене 27-ше гыч 30-шо июль марте эрта. Темыже тыге йоҥга: «Йочам шуарымаш туныктымо пашан негызше». Форумыш туныктышо, воспитатель, ешартыш шинчымашым пуышо, профессионал шинчымашым пуышо, пытартыш курслаште тунемше студент- влак да нунын наставникышт ушнат. Тушто шуарыме программым терген ончышо федерал эксперимент площадке семын пашам ыштыше туныктымо тӧнеж- влакын опытышт дене палдарат, конкурслаште сеҥыше туныктышо- влакын сеҥымашыш шумо корнышт нерген каласкалат. Форумын программыштыже лийме деч вара участник- влак квалификацийым нӧлтымӧ нерген Марий туныктыш институтын сертификатшым налыт.

Прошлые выпуски