Кок районышто «Йӱшӧ водитель» мероприятий эрта
Республикысе кок районышто таче да эрла «Йӱшӧ водитель» мероприятий эрта. Рейд- влак Советский ден У Торъял районлаште лийыт. ГИБДД-н пашаеҥже- влак руль воктеке йӱшӧ вуя шичше- влакым рашемдаш тӱҥалыт. Кугыжаныш автоинспекций ушештара: йӱшӧ вуя машинам виктарымылан 30 тӱжем теҥге административный штрафым тӱлыктат да ик ият пеле гыч кок ий марте права деч посна кодат. Уэш йӱшӧ вуя машинам виктарымылан уголовно мут кучаш шогалтат. Тидын годым кок ий марте эрык деч посна кодат.
