Йӱдым уремыште йоча- влак лийшаш огытыл

Йӱдым уремыште йоча- влак лийшаш огытыл. Республикысе МВД йоча- влаклан «комендант шагат» нерген ушештара. 18 ийыш шудымо еҥ- влак закон почеш ача- ава але законло представительышт деч посна 23 гыч 5 шагат эр марте тӱшка верлаште коштын огыт керт. Тиде йодмаш ок шукталт гын, ача-ава- влаклан штрафым тӱлыктен кертыт. Марий Элын 2011-ше ийысе законжо дене келшышын, кошташ лийдыме вер- влакымат рашемдыме. Тиде- урем, парк, сквер, стадион, тӱшка транспорт, интернат клуб, ужалкалыме вер, тӱшкан кочмо да каныме вер- влак. Правам аралыше органын еҥже- влак нине верлаште йӱдым йочам ужыт гын, тудым полиций пӧлкаш кондаш да кӧ, кушеч улмыжым рашемдаш праван улыт. Рашемден огыт керт гын, тудым специализированный тӧнежыш колтат. Штрафын кугытшо 100 гыч 500 теҥге марте.

Прошлые выпуски