Кугу мероприятий- влак вес жапыш кусаралтыт

Увертарыме ыле: коронавирус инфекций ынже шарле манын, республикыштына кугу мероприятий- влак вес жапыш кусаралтыт. 1-ше гыч 4-ше апрель марте куштышо да хореограф постановщик- влакын «Михаил Мурашко йолташыже- влакым ӱжеш» 10-шо Тӱнямбал конкурс-фестиваль лийшаш ыле. Тудо палемдыме жапыште ок лий. 9-ше гыч 11-ше апрель марте марий калыкын 11-ше погынжым эртараш палемдыме ыле. Тудым шыжым эртараш кутырен келшыме. Раш кечыже лишыл жапыште рашемеш. Финн-угор тӱнян тенийсе рӱдыверже, Мишкан села, 20-шо мартыште финн-угор калык- влакын эн мотор ӱдыржым ойырымо «Саскавий конкурсым эртарышаш ыле. Тудымат вес жапыш кусарыме.

Прошлые выпуски