Йошкар-Ола администраций тул лӱдыкшӧ тургым деч ончыч шижтара

Йошкар-Ола округын тергыше да профилактике паша шотышто пӧлкаже шошо-кеҥеж жапысе тул пижме лӱдыкшӧ тургым тӱналме деч ончыч калыклан шижтара: шошо шумеке, кукшо шудо, шӱк-куштыра йӱлаш тӱналеш. Тудым лӱмынат ылыжтат, кудалтыме тамак, тул дене шекланыде пайдаланымаш, йӧртыде шуымо шырме амалым ыштен кертыт. А ылыжше тул чодырашкат, яллашкат шарлен кертеш. Кодшо ийын ола кундемыште гына 87 гана кукшо шудо ылыжын. Иктыже- Шернур корнышто озанлык оралтылашке куснен ыле, ятыр эҥгекым конден. Российысе тул ваштареш шогымо режимын правилже почеш, тӱшка верлаште, зданий деч 50 метр лишке нимат йӱлалташ ок лий. А шӱк- куштырам жапыштыже поген, ӧрдыжкӧ, свалкыш лукман.

Прошлые выпуски