600 утла еҥ «Конституцийын волонтёржо» лийнеже
Республикыштына «Конституцийын волонтёржо» лияш кумылым 600 утла еҥ ончыктен. 16-шо мартлан шотлымаште ола да районла гыч проектыш 615 еҥ ушнен да сайтыште регистрацийым эртен. Но тиде эше пел паша гына. Спискым чыла терген лектыт. Тиддеч вара гына тудо «волонтёрыконституции.рф» шинчымашым пуышо порталыште савыктыме лиеш. Туштак нуно тунеммашым эртат. Тунемаш тореш лийыт гын, волонтёр радамыш огыт логал. 6-шо гыч 21-ше апрель марте Российысе чыла кундемыштат волонтёр- влак кум тӱжем утла тӱрлӧ площадкыште калыкым палдараш тӱналыт.
