Таче таможенник- влак шке профессионал пайремыштым палемдат.
Таче таможенник- влак шке профессионал пайремыштым палемдат. Таможня службын пашаеҥже да ветеранже- влакым шке профессионал кечышт дене республикым вуйлатыше Александр Евстифеев саламла. Таможенный служба эре кугыжаныш казнам пойдарыме, йот элла дене ужалкалыме пашам виктарыше кӱлешан механизм лийын да тыгаяк кодеш. Таможня службын пашаеҥже кажне кечын экономик лӱдыкшыдымылыкым ыштымаште, торговля интересым аралымаште, контрабанде дене кучедалмаште, тӱвыра поянлыкым закондымын ӧрдыжкӧ наҥгайыме ваштареш кучедалмаште кӱлешан задаче- влакым шуктат. Тиде компетентностьым, пеҥгыдылыкым, ответственнстьым да неле йодыш- влакым писын виктарен колтымашым йодеш. Республикын таможенникше- влак лач тыгай качестван улыт. Пӱтынь личный составлан, ветеран-шамычлан да нунын ешыштлан пеҥгыде тазалыкым, улан илышым, ончыкылан ӱшаным да куатым тыланем,-ойлалтеш республикым вуйлатышын саламлымашыштыже.
