Республикысе пасулаште тиде жаплан келшыше паша- влак умбакыже шуйнат

Республикысе пасулаште тиде жаплан келшыше паша- влак умбакыже шуйнат
Республикысе пасулаште тиде жаплан келшыше паша- влак умбакыже шуйнат. Чыла ӱдымӧ кумдыкын 70 процентшым поген налме. Кызыт  чолган саскам погат. Тудым 72 процент гыч погымо. Пакча- саскам тений 10 тӱжем тоннлан шукырак погымо. Пареҥге лектышат куандара. Тудым 50 тӱжем утла тонным кӱнчен налме, кокла лектыш ик гектарлан шотлымаште 224 центнер лектын. Йытыным 730 гектар гыч кӱрмӧ. Тидыже уло кумдыкын 81 процентше лиеш. Чылаже 906 гектар ыле. Пасу паша пӱтынек игече деч шога. Йӱрлан кӧра, рапсым шагалрак тӱредме. Эше 40 процент наре кумдыкым солен шияш кӱлеш. Но лектышыже изи огыл- гектар гыч 14 центнер кычкым налыт. Урлыкаш фондат сайын чумырга. План почеш 24 тӱжем тонн пырчым аралаш пыштыман гын, тымарте 22 тӱжемат 600 тонным шапашлыме. Тидыже уло кӱлешын 94 процентше лиеш. Адакшым кугурак ужашыже кондиционныйлан шотлалтеш.

Прошлые выпуски