«Дружба» футбол команде пытартыш вер гыч кораҥын

«Дружба» футбол команде пытартыш вер гыч кораҥын
Йошкар-Оласе «Дружба» футбол команде Приволжьен первенствыжым мучаш гыч кокымшо верыште мучашлен. Иктешлыше тур деч ончыч футболым йӧратыше-влакын тӱткышышт чемпионство деке веле огыл, а пытартыш 14-ше – 15-ше вер верч кучедалмаш декат виктаралтын ыле. Пытартыш вер гыч кораҥшаш верч Димитровград гыч «Лада-Университет» ден Йошкар-Оласе «Дружба» кучедалыныт. Нунын когыньыштынат 16 очко гыч погынен. Пытартыш модмаште Йошкар-Оласе футболист- влак «Ладан» капкашкыже вич мечым пуртеныт. А тудыжо ик мече дене гына вашештен кертын. Тыге «Дружба» 5 да 1 счёт дене сеҥышыш лектын да пытартыш вер гыч кораҥын, 14-ше лийын. А икымше верыш Чуваший гыч «Химик-Август» лектын.

Прошлые выпуски