Роспотребнадзор виктем никотинан сатум пеҥгыдын терга
Роспотребнадзорын республикысе виктемже никотинан сатум ужалкалымашым виянрак терген шогымо нерген увертара. Ужалкалыме верлаште, интернет кевытлаште тамак семын шупшаш келыштарыдыме, но никотинан сатум темлат. Тушто тамаке уке, тудым никотин алмашта. Сандене «Тамак шикш деч тазалыкым аралыме» нерген федерал законын йодмашыже тудым ок тӱкӧ. Тиде продукций карамель, леденец, пурмо резинке семын ышталтеш да кочкыш сату деке ушна. Тудым «Кочкыш сатун лӱдыкшыдымылыкшӧ нерген» йодмаш виктара. Тудын почеш сату технический регламентлан келшен толшаш да лӱдыкшыдымылыкшӧ шотышто документше лийшаш. Сандене Роспотребнадзор виктем калыкын лӱдыкшыдымылыкшым ышташ манын, никотинан сатум ужалкалымаш гыч кораҥда. Тергыме жапыште 113 продукцийым поген налме. Административный правонарушений шотышто пашам тарватыме. Тиддеч посна ужалкалыше интернет-сайт-влакын пашаштым чарыме шотышто паша шукталтеш. Республикыште кажне кечын тӱжемат 400 ужалкалыме верым терген шогат. Ача-ава- влаклан умылтарыме пашам эртараш, снюсын, насвайын да моло никтоинан сатун лӱдыкшыжӧ нерген каласкалаш темлат. Ужалкалымашым пален налмеке. Роспотребнадзорыш йыҥгырташ йодыт.
