Марий Элна турист корно семын утыр кумылым савыра

Марий Элна турист корно семын утларак да утларак кумылым савыра. Эртыше ийын мемнан деке  660 турист ден экскурсант толын каен. Туризм сферыште кугурак сеҥымаш семын ойлаш гын, российысе да тӱнямбал рынкыште турпродуктым шарен колтымаште таҥасымаш пеш кугу. Туризм аланым вияҥдымаш республикын ончылно шогышо задаче- влак радамыш пура. Марий Элым вуйлатыше республикыштына 2025-ше ий марте туризмым вияҥдыме стратегийым пеҥгыдемден. Тыге тиде сферыште республикын сеҥымашыже изи огыл. У оҥай турист маршрут – влакым ыштыме. Тудын чотшо 238 марте ешаралтын. Нуным официальный реестрышке пуртымо. Марий Элыштына йодмаш дене тӱвыра да шинчымашым ешарыме, этнический, ялысе, вӱд-круиз, событий да экологий туризм пайдаланат. Экологий туризмым вияҥдыме дене республикым ончыл регион радамыш пуртымо. «Ужар патруль» организацийын рейтингыштыже Марий Эл 28-ше верыш лектын да ныл верлан нӧлталалтын. Тыгак У ий пайрем жапыште санаторийлаште тазалыкым пеҥгыдемден каныме корно дене 10 эн сай регион коклашке пурен. Событийный туризмым вияҥдыме шотышто Марий Элын икмыняр проектше ПФО-н конкурсыштыжо призвой вер- влакым налыныт. А общенациональный конкурсын финалыштыже «Бендериада» фестиваль икымше верым, тӱжвалне ончыктымо «Акпатыр» опера кокымшо верым сеҥен налыныт.

Прошлые выпуски