Баскетболист- влак тренер Александр Олоничевым шарналтат
Йошкар-Олаште Александр Олоничевым шарныме лӱмеш турнир лиеш. Эрла да кумышто Марий Элын сулло тренерже Александр Олоничевым да тудын воспитанникше- влакым шарныме лӱмеш баскетбол дене ветеран- влак коклаште 9-ше турнир эрта. Матч- влак Юлтехын кумшо спортзалыштыже эртаралтыт. Республикысе баскетбол федерацийын почётан президентше Валерий Матвеевын мутшо почеш, тений турнирыште Йошкар-Олан, Озаҥын, Сыктывкарын да Угарман областьын пӧръеҥ ветеран- влак командышт модыт. Модмаш шуматкечын 14 шагатат 30 минутлан, 12-шо январьыште 10 шагатлан тӱналеш.
