Росгвардий виктем шке кумылын сар-куралым сдатлыме нерген ушештара

Росгвардий виктем шке кумылын сар-куралым сдатлыме нерген ушештара. Ведомствын пашаеҥже- влак закондымын аралыме оружийым шке кумылын сдатлыме нерген калык дене умылтарыме пашам эртарат. Тенийсе икымше пелийыште республикысе калык 6 оружийым да 80 утла патроным шкевуя намен. Тений февральыште Юрино районышто илыше еҥ регистрироватлыдыме пычалым конден. Тудыжо, очыни, ачаж деч кодын. Шудо оптымо верым олмыктымо годым муын луктын. Апрельыште Медведево районышто илыше еҥ тошто пачержын балконжым олмыктымыж годым тыгак сонар пычалым муын да сдатлен. А Советский районышто илыше ӱдырамаш марийже деч кодшо патрон- влакым шке кумылын намиен пуэн. Шкевуя намиен пуымо пычал да патрон- влаклан компенсаций шотеш тӱлымӧ тичмаш окса 16 тӱжет теҥге утлаш погынен. Учетыш шындыдыме оружийым шке кумылын сдатлыдыме еҥ- влакым закондымын сар-куралым аралымылан уголовно мут кучаш шогалтен кертыт. Мутлан Йошкар-Олаште илыше 50 ияш пӧръеҥ 386 грамм пычалтарым чодыраште муын да 2002-шо ий годсек арален. Уголовный пашам тарватыме.

Прошлые выпуски