Йошкар-Олаште Волков уремысе 64-ше пӧртын леведышыжым прокуратурын ушнымекыже гына олмыктеныт
Йошкар-Олаште Волков уремысе 64-ше пӧртын леведышыжым прокуратурын ушнымекыже гына олмыктеныт. Оласе прокуратурыш шуко пачеран пӧртыштӧ илыше ӱдырамаш вошт витыше леведышлан вуйым шийын. Тергымаш чынжымак тидым пеҥгыдемден ончыктен. Ӱдырамашын пачерыштыжат, кум подъездысе тошкалтыш площадкылаштат вӱд йогымым пален налме. Ӱдырамаш тиде йодыш дене виктарыше организацийыш ик гана веле огыл возен, но нимомат олмыктымо огыл. Тыге прокуратура тиде пашаш ушнен. Виктарыше компанийын директоржылан представленийым кучыктеныт. Тергыме годым, содыки, коммунальщик- влак текущий ремонтым ыштеныт, да вӱд йогымым чареныт. Тиддеч посна прокуратура административный пашам тарватен. Чыла нарушенийым кораҥдымешке ситуацийым прокуратура контрольышто куча.
