Тӱшкагудысо изи гына пӧлемыште илыше шуко шочшан еш илыме верым налын кертын

              Тӱшкагудысо изи гына пӧлемыште илыше шуко шочшан еш илыме верым налын кертын. Ӱдырамаш республикысе айдемын праваже шотышто уполномоченный Фанис Мухаметгалиев деке йодмаш дене тений мартыште лектын. Ӱдырамашын мутшо почеш, тудлан тулык йоча семын судын пунчалже почеш йӧнан илыме верым пуышаш улыт ыле. Но тидым ыштыме огыл. Тыге тудо шуко шочшан ава, ешыже дене тӱшкагудысо пӧлемыште илен. Тидат рашемын: ӱдырамаш чоҥалтше пӧртышӧ пачерым налшаш  лийын. Но чоҥашлан икымше контрактым кӱрлмӧ, а у чоҥышо дене ыштыме контракт чоҥымо жапым вашталтен. Ола администраций шке жапыштыже пачерым пуымо шотышто жапым вашталтыме нерген судыш пуэн огыл. Кызыт ӱдырамашлан праважым пӧртылтымӧ, тудлан йӧнан пачерым пуымо.

Прошлые выпуски