Таче- икымше сентябрь
Таче- икымше сентябрь- Шинчымаш кече. Тиде шинчымаш пайрем дене тунемше ден студент- влакым, туныктышо ден ача-ава-шамычым Марий Элым вуйлатышын пашажым шуктышо Юрий Зайцев саламла. Икымше сентябрь- йоча годсек йӧратыме пайрем. Тудо куан, тургыжланымаш, йолташ- влак дене вашлиймашым вучымо дене темын. Мутат уке, тудо эн пиалан, оҥай да чоным чыгылтыше лиеш икымше классыш толшо- влаклан. Тиде кугу илыш корныш, школ илышыш икымше ошкыл. Икымше курсыш пурышо студент- влаклан илышын кӱлешан йыжыҥже. Тиде ойыртемалтше кечын ме туныктышо да нунын наставникыштлан поро да кыртмен шуктымо пашаштлан, кӱкшӧ профессионализмыштлан кугу таум ойлена. Марий Эл Правительстве молгунамсе семынак туныктымо аланлан полшаш тӱҥалеш,- ойлалтеш республикым вуйлатышын пашажым шуктышо Юрий Зайцевын саламлымашыштыже.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
