Юрий Зайцев Шинчымаш кече дене Йошкар-Оласе Пушкин лӱмеш 4-ше номеран гимназийыште тунемше- влакым саламлаш миен

             Марий Элым вуйлатышын пашажым шуктышо Юрий Зайцев Шинчымаш кече дене Йошкар-Оласе Пушкин лӱмеш 4-ше номеран гимназийыште тунемше- влакым саламлаш торжественный линейкыш миен. Ача-ава, йоча да туныктышо- влак ончылно ойлышыла палемден: у тунемме идалыкын икымше кечыже пешак тургыжландарыше. Тиде ынде чылт йоча жап огыл, тиде кугу илышыш икымше ошкыл. Таче 85 тӱжем йоча республикыштына школ омсам почын пурен. Нунын кокла гыч 9 тӱжемже- икымше классыш.
            Нылымше номеран гимназий тӱрлӧ аланыште шке сеҥымашыже дене чаплана, самырык- влакым патриотизм шӱлышеш шуарыме пашаштат. Туныктышо коллектив Россий Правительстве пеленысе Кугыжаныш историй да тӱвыра рӱдерын шарнымашан палыже дене палемдалтын. Школ кок гана элысе эн сай школ радамыш пурен да «Российысе вӱдышӧ туныктымо тонеж- влак» Калыкле реестрыш пурталтын. Кодшо ийын «Элысе туныктымашын кугешнымашыже» Россий кӱкшытан смотр-конкурсын дипломжым налын. Кадет корпусшо республикысе кадет толкынын флагманже да оборона министерстве ден моло силовой ведомствын вузлашкыже тунемаш пураш кандидат- влакым ямдылыше апшаткудо улеш.
            Юрий Зайцев ӱдыр-рвезе- ваклан сеҥымашым, сай отметкым, шуко шинчымашым да шагалрак нелылыкым тыланен. Лӱдде ончыко ошкылза,- манын.
             Фото: Марий Элым вуйлатышын организаций да аналитик виктемже.

Прошлые выпуски