Республикыштына «Образцово кучымо пӧрт» ден «Образцовый ЖКХ предприятийым» палемдыме

            Республикыштына «Образцово кучымо пӧрт» ден «Образцовый ЖКХ предприятийым» палемдыме. Тиде Йошкар-Оласе Карл Маркс уремыште 126-шо пӧрт да Йошкар-Оласе икымше ТЭЦ предприятий. Тидын шотышто дипломым Илыме вер да коммунал озанлыкым пужен ышташ полшышо фондын- кугыжаныш корпорацийын генеральный директоржо Константин Цицин кучыктен. Ынде нине табличке- влак пӧрт ден предприятийын пырдыжшым сӧрастарат. Марий Элым вуйлатыше Александр Евстифеев дене  пырля фондым вуйлатыше объектлашке миеныт. Шуко пачеран 126-шо пӧрт моло деч палынак ойыртемалтеш: подъезд ару, окналам пеледыш сӧрастара, пӧрт йыр мотор клумбо- влакым ыштыме. Тыгай чаткалыкым эн ончычак тыште илыше- влакын тыршымышт дене ыштыме. Подъезд тамбурым шокшемдыме, волгалтарыме датчикым ыштыме, энергийым аныклыше лампе- влакым вераҥдыме, пожарым йӧртышӧ системым уэмдыме, видеоэскерыме системым ыштыме. Республикым вуйлатыше тушто илыше- влаклан таум каласен.
              Тыгак «Образцовый ЖКХ предприятий» табличке ден «ЖКХ-н качество знакшым» Йошкар-Оласе икымше ТЭЦ-ын директоржо Игорь Бондарчуклан кучыктымо. Александр Евстифеев ден Константин Цицин оласе подстанцийым, электросеть цехым ончен лектыныт, коллектив дене мутланеныт. Республикым вуйлатыше палемден: коллективын чаткан пашам ыштымыжлан, вуйлатыше- влакын грамотный решенийыштлан кӧра предприятий ятыр корно дене сеҥымашыш шуэш. Фондын Генеральный директоржо палемден: республикын сай ончыкылыкшо уло: инфраструктура вияҥеш, урем да тӱшка кумдык- влак тӱзаталтыт.

Прошлые выпуски