Элыштына Суд приставын кечыжым палемдыме

          Теҥгече Элыштына Суд приставын кечыже да Российысе суд пристав службым ыштымылан 155 ий теммым палемдыме. Тиде профессионал пайрем дене  суд пристав- влак федерал службо виктемын пашаеҥже да ветеранже- влакым Республикым вуйлатыше Александр Евстифеев саламлен. Тудын вияҥме кужу историйже кеч- могай жапыштат кӱлешан улмыжым ончыкта. Суд пристав- влак кече гыч кечыш суд системын пашажым виктарыме шотышто ответственный задаче- влакым шуктат. Шке обязанностьым кӱлеш семын шуктымаш  суд пунчалым илышыш ӱшанлын шыҥдараш йӧным ышта. Кӱкшӧ профессионализм, чытымаш, пеҥгыдылык- тиде мемнан республикысе суд пристав- влакын чапле качествышт. Тидлан кӧра те суд пунчалым шуктымаште, законым эскерымаште, еҥ- влакын праваштым пӧртылтымаште, кугыжанышын интересшым аралымаште  сай лектышыш шуыда. Кӱлеш семын пашам ыштымыланда, законын йодмыжым тӱрыс шуктымыланда таум каласем,- ойлалтеш республикым вуйлатышын саламлымашыштыже.

Прошлые выпуски