Осал пашам ыштыше ийготыш шудымо- влакын ача-авашт дене погынымаш эртен

             Йошкар-Олаште осал пашам ыштыше ийготыш шудымо- влакын ача-авашт дене погынымаш эртен. Тудо уголовно-исполнительный инспекцийыште лийын. Икшыве да нунын ача-авашт ончылно медицина, мер организаций да силовой ведомство- влакын еҥышт ойленыт. Тачысе кечылан инспектор- влакын учётыштышт ийготыш шудымо 28 еҥ шога. Нунын кокла гыч 18-ыже Йошкар-Олаште илыше улыт. Погынымашке йоча да ача-авашт дене пырля 30 утла еҥ погынен. Нуно Йошкар-Ола, Звенигово, Волжск, Курык марий да Медведево районла гыч толыныт. Ойлышо- влак икмыняр кӱлешан йодышым ончен лектыныт. Кажне йодышыжо ийготыш шудымо- влак осал пашам уэш ынышт ыште манме шонымаш дене кылдалтын. Тиде- ача-аван ответственностьшо, наркотикым шаркалымаш, ешыште вашкыл, волонтёр толкыныш ушнымаш да молат улыт. Тыгай ача-ава погынымаш- влакым уголовно-исполнительный инспекцийын пашаеҥышт ямдыленыт да профилактике пашан адресный программыже кышкарыште эртаралтеш.

Прошлые выпуски