Потребительын кечыже «Пластик материал дене шӱкаҥдымаш ваштареш кучедалмаш» ӱжмаш дене эрта

                     Тиде увер юридический лица да амалкалче- влаклан. Идалык еда тӱня мучко 15-ше мартыште Потребительын праважын Тӱнямбал кечыже. Тиде илышын ик йыжыҥже дене кылдалтше шинчымашым шарыше кече. Тудо кӱлешан. Молан манаш гын, ме чыланат кажне кечын потребитель сомылым шуктена. Тений тиде кече «Пластик материал дене шӱкаҥдымаш ваштареш кучедалмаш» ӱжмаш дене эрта. Тудым потребитель- влакын тӱнямбал органиазцийышт темлен. Тудо 50 ий наре потребительын праважым арала да 70 утла эл гыч  правам аралыше 200 наре мер да кугыжаныш организацийлам ушен шога. Пайрем вашеш республикысе Роспотребнадзор виктем правам аралыме дене кылдалтше кугу пашам виктара, поснак законым умылтарыме дене кылдалтшым. Пластик ваштареш кучедалмаш тӱнямалсе калыкым ушен шога. Молан манаш гын, лукмо 40 процент пластик упаковкылан кучылталтеш да ик гана пайдаланымеке луктын кудалталтеш. Сандене Тӱнямбал кече кугу проблеме деке эше ик гана тӱткышым виктараш сай амал лиеш.

Прошлые выпуски