Следствий виктем кодшо ийын 775 осал пашам шымлен

                Республикысе следствий комитетыште кодшо ийын 775 осал пашам шымлыме. Видеоконференций йӧн дене следствий виктемын коллегийжын заседанийже эртен. Тушто кодшо ийын шуктымо пашам иктешлыме. Пресс-службын увертарымыж почеш, 20-шо ийыште 775 осал пашам шымлыме. Нунын радамыште- 52 пуштмаш, 19-ыже тазалыклан эҥгекым ыштымылан кӧра ӱмыр лугыч лиймаш, 26 виешлымаш, 99 экономик преступлений да 93 коррупций дене кылдалтше. Кодшо ийын осал паша дене 96 миллион утла теҥгеаш эҥгекым ыштыме, 64 миллионжым пӧртылтымӧ, 44 миллион теҥгеаш погылан арестым увертарыме. 98 пашаеҥын праважым пӧртылтымӧ, Нунылан 27 миллион утла тенге пашадар парымым тӱлымӧ.

Прошлые выпуски