Экскурсоводын кечыжлан оҥай экскурсий- влакым ямдылыме
Йошкар-Олаште 20-шо да 21-ше февральыште ынде нылымше гана «Кумылым шочыктышыла» фестиваль эртаралтеш. Тудо экскурсоводын тӱҥямбал кечыжлан пӧлеклалтеш. Программыже пеш поян лийшаш. Тудын нерген оласе турист-увер рӱдер умылтара. Икымше кечынже чодыран тоштерышкыже, Троицкий храмыш, Евсеев лӱмеш калыкле тоштерыш, спорт тоштерыш экскурсий- влак эртат. Нуно 9 шагат гыч тӱҥалыт да кок шагат еда у верыш куснат. Экскурсийыш ончылгоч возалташ темлат. А 21-ше февральыште «Йошкар-Ола троллейбус окна гыч» маршрут эртаралтеш. Тудым «Йошкар-Олан историй тоштержын пашаеҥже- влак эртарат. Икымше маршрутшо Сеҥымашын 30-шо идалыкше лӱмеш тӱвыра полат деч Ленин лӱмеш тӱвыра полат марте 40 минуташ экскурсий. Кокымшо маршрутшо «Вишнёвый» деч Ленин лӱмеш тӱвыра полат марте. 11-ше А маршрут «Вокзал» деч «Вокзал» марте- йыр маршрут. 13 шагатат 10 минутышто пассажир- влаклан маршрут. Шуко оҥайым пален налаш лиеш.
