«Гордость нации- 2025» премийын йыжыҥыштыже Марий Эл гыч кум проект ойыртемалтын

«Гордость нации- 2025» премийын йыжыҥыштыже Марий Эл гыч кум проект ойыртемалтын
                «Гордость нации- 2025» премийын Юл кундем федерал округысо йыжыҥыштыже Марий Эл гыч кум проект ойыртемалтын. Шым номинаций гыч кок икымше вер да иктыже- кумшо вер. Россий кӱкшытан кудымшо премийын округысо йыжыҥжын лектышыже республикылан тыгай лийын. Лауреат- влакым саламлымаш Саратов олаште эртен. «Кугыжаныш калыкле политик нерген палдарен шогымашке надырлан» номинацийыште «Марий Эл Телерадио» компанийын командыже сеҥышыш лектын. Кӱкшӧ наградым тыгак «Поколение УМ» номинацийыште Марий университетын инженерже Артём Гурьянов налын. «Шочмо йылме- влакым арален кодымашке да вияҥдымашке надырлан» нминацийыште кумшо верым «Туныктымо пашаште этно-тӱвыра ужашым кучылташ темме- методик полышым ямдылымаш» инноваций площадкым ыштыме шотышто проект налын. Тудын авторжо- влак Волжский районысо Карай школын туныктышыжо-шамыч- Любовь Сергеева ден Эльвира Васильева да Йошкар-Оласе 32-шо школын туныктышыжо Елена Васильева улыт. Премийын округсо йыжыҥже икымше гана эртен. Тушко 500 утла йодмашым пуымо лийын.
             Фото: Марий Эл Кугыжаныш Погын.

Прошлые выпуски