У ий гыч Санкт-Петербургыш чоҥештылаш лиеш
У ий гыч Йошкар-Ола гыч Санкт-Петербургыш вич тӱжем теҥгелан самолёт дене чоҥешташ лиеш. «РусЛайн» авиакомпаний Йошкар-Ола гыч Пулково аэропортыш чоҥештылме расписанийым савыктен. Самолёт- влак вӱргечын да рушарнян чоҥештат. Вӱргечын Йошкар-Ола гыч 12 шагатат 40 минутышто да рушарнян 18 шагатат 30 минутышто лектыт. Корнышто кок шагат утла жап эрта. Икымше самолёт икыше январьыште чоҥешта. Тиде расписаний 1-ше январь гыч 25-ше март марте ышта, вара кеҥежымсе распианий пурталтеш. Билетым кызытак налаш лиеш, акше вич тӱжем теҥге гыч тӱналеш. Ушештарена: Йошкар-Ола авиаотрядын самолётшо- влак Лениградысе Ржевка аэропортыш 1981-ше гыч 1994-ше ий марте коштыныт. 1995-ше ийыште- Пулковыш.
