Козьмодемьянскыште виртуал концерт залым почмо
Козьмодемьянск олаште Яков Эшпай лӱмеш калык тӱвыра рӱдерыште Российысе виртуал концерт залым торжественно почмо. Ынде оласе калык да уна- влак Москосо кугыжаныш академический филармоний гыч вик транслироватлыме але войзен налме мероприятийым, артист да коллектив- влакын эн сай выступленийыштым ончен да колыштын кертыт. «Тӱвыра» калыкле проектыш пурышо «Цифран культура» федерал проект кӱшеш кызытсе жаплан келшыше музыкальный да проекций оборудованийым налме. Тыге Курык марий район ончыл увер технологийым кучылтын, элысе ик тӱвыра кумдыкыш ушна.
