Рошто пӱтӧ 40 кече шуйна
Православий йӱлам кучышо- влаклан Рошто пӱтӧ тӱҥалын. Тудын шкенжын раш жапше уло. Идалык еда 28-ше ноябрьыште тӱналеш да 40 кече шуйна. Рошто водын 6-шо январьыште мучашлалтеш. Черке умылымаш почеш, Рошто але Филипп пӱтӧ пеш чот пеҥгыде огыл. Черке Пӱтӧ жапыште шылым, муным, шӧрым, кочмо деч кораҥаш темла. Шочмын, вӱргечын да кугарнян кушкыл ӱйымат кочкаш ок лий. Колым лач шуматкечын да рушарнян гына да кугу пайрем годым веле тамлен ончаш лиеш.
