Тений ял озанлык предприятий- влак 454 оборудований ден ял озанлык техникым налыныт
Республикысе ял озанлык министерстве ден ял озанлык сатум ыштен лукшо- влак пашашке у, ресурсым аныклыше техникым шыҥдарыме шотышто чолган пашам шуктат. Тенийсе 10 тылзе жапыште ял озанлык предприятий- влак 663 миллион теҥгелан 454 оборудований ден ял озанлык техникым налыныт. Ик ийыште тиде показатель 140 миллион теҥгелан кушкын. Ял озанлык сатум ыштен лукшо-влак кормам погышо 7 да пырчым погышо 14 комбайным, 60 тракторым, 18 грузовой автомашинам, 19 сеялкым, мландым обрабатыватлыше 51 машинам, вольык озанлык дене кылдалтше 47 оборудованийым, кормам ямдылыше 43 техникым налыныт. 71 техникым 141 миллион теҥгеш 15 процентлан шулдынрак налме. «Росагролизинг» гоч федерал лизинг дене 46 миллион теҥгелан 16 техникым, льготан кредит дене 87 миллион теҥгеаш 28 ял озанлык техникым налме.
